Dr. Thangtea chuan, Dampa bialah hian ZPM Sorkar vanglai takin ZPM chhuahsan MNF-a lawmluh tur an lo awm zel hi lawmawm kan ti a. Candidate ka nih hnuah bial chhung khaw hrang hrang fangin ṭum sarih kan fehchhuak tawh a, vawi 3 vel kan fang chhuak thuak tawh bawk a ni, a ti.

MNF Sr. Vice President chuan, "He bialah hian tun hma zawnga MNF la vote ngai reng reng lo, party hrang hrang leh neutral aṭangin, Dama bial kan luhchilh ve china kan chhinchhiah chin mi sang chuang zetin tun ṭumah hian min vote an tum thu kan dawng tawh a, kan lawm tak zet a ni. Pathian leh Dampa bial mipuite zarah chak ngei pawh kan inbeisei," a ti bawk.

Kan campaign-na reng rengah kan khingpuite thinlung hliam zawng emaw, rilru hrisello leh thudik ziktluaklo hman hi tumahin ching lo hram ila tih hi ka ngenna leh duhthsam a ni a. A tawp thlenga min thlawp tlat turin Dampa bial mipuite ka ngen thar leh che u a ni, Minister hlui Dr. Thangtea chuan a ti.